«Kóptústi Gýıchjoý – 2026» halyqaralyq fotokórmesi: 1000-nan astam týyndy qoıyldy
ASTANA. KAZINFORM - Qytaıdyń Gýıchjoý provıntsııasy Tsıannan-Býı-Mıao avtonomııalyq okrýginde qarasty Lıbo ýezinde «Kóptústi Gýıchjoý – 2026» XIX Qytaı halyqaralyq ekologııa taqyrybyndaǵy fotokórme jáne alǵashqy «Kóptústi Gýıchjoý jer óneri maýsymy» ashyldy.
Bıylǵy fotokórme «Gýıchjoýdaǵy ómir: jaryq pen kóleńkede» taqyrybymen ótip jatyr. Onlaın jáne oflaın formatta 1000-nan astam fotojumys usynylǵan. Ekspozıtsııalar mádenıet, týrızm, sport, medıtsına, bıznes jáne kólik salalaryn qamtıdy.
Kórme dástúrli zaldarmen shektelmeı, Hýntszıan aýylynyń kósheleri, kóne úıler, aýlalar men tabıǵı keńistikterde uıymdastyrylǵan.
Fotosýretter arqyly Gýıchjoýdyń tabıǵaty, aýyl ómiri, jergilikti mádenıeti men týrısterdiń kúndelikti tynys-tirshiligi kórsetiledi.
Іs-sharaǵa Frantsııa, Italııa jáne basqa da elderden fotograftar qatysyp jatyr. Sonymen qatar «Ortaq Jibek jolynyń sáýlesi» atty Ortalyq Azııa elderiniń arnaıy kórmesi uıymdastyryldy. Oǵan Qazaqstan, Qyrǵyzstan, Tájikstan jáne Ózbekstannyń fotograftary men fotouıymdary qatysyp otyr.
Aldaǵy ýaqytta kórmeni Qyrǵyzstanda jáne basqa elderde ótkizý josparlanǵan.
Jer óneri maýsymy aıasynda aýyl sharýashylyǵy kórinisteri, aýyl sáýleti men tabıǵı keńistik óner nysandaryna aınaldyrylǵan. Eki shara da 31 jeltoqsanǵa deıin jalǵasady.
Baǵdarlamada fotokórme boıynsha dóńgelek ústel, AI-beıneleý tehnologııalary salony, Qytaı–ASEAN joǵary deńgeıli akademııalyq forýmy jáne aýyl jármeńkesi bar.
