Kóptegen ult ókilderi halqymyzdyń meıirimine bólendi - Dáýren Abaev
Sharany QR Aqparat jáne qoǵamdyq damý mınıstrligi men «Rýhanı jańǵyrý» Qazaqstandyq qoǵamdyq damý ınstıtýty» KeAQ birlesip uıymdastyrdy.
«Búgingi is-sharanyń osy taqyrypqa arnalýy kezdeısoq emes. Ózderińizge belgili, syn saǵattarda qazaq jerine kelgen kóptegen ult ókilderi bizdiń halqymyzdyń qamqorlyǵy men meıirimine bólendi. Óz kezeginde, olar da elimizdiń áleýmettik, mádenı, ekonomıkalyq damýyna ólsheýsiz úles qosty, áli de qosyp kele jatyr. Jasyratyny joq, egemendik alǵan soń keıbir postkeńestik elder durys etnosaralyq saıasat júrgizbeýi saldarynan sapaly mamandaryn joǵaltyp, damý qarqyny ondaǵan jyldarǵa shegerildi. Elbasy Nursultan Ábishuly Nazarbaev kóregen etnosaralyq saıasat júrgizdi, álemde teńdesi joq organ – Qazaqstan halqy Assambleıasyn qurdy. Osylaısha, bizder – ár alýandyǵymyzdy artyqshylyǵymyzǵa aınaldyrdyq», - dedi Aqparat jáne qoǵamdyq damý mınıstri Dáýren Abaev.
Osy oraıda mınıstr búgingi Qazaqstannyń damý baǵyty, Prezıdent Qasym-Jomart Toqaevtyń saıasaty da osy qol jetkizilgen jetistikterdi saqtaýǵa, odan ári damytýǵa negizdelgenin atap ótti
Konferentsııa qatysýshylary «Bir halyq – bir el – bir taǵdyr» qaǵıdaty boıynsha biriktirý faktorlaryn izdestirý, tarıhı sanany qalyptastyrý arqyly ulttyń biregeı kodyn saqtaý máselesin talqylady.
Іs-shara aıasynda «Qazaqstan etnostarynyń Qazaqstan halqynyń jalpy tarıhı-mádenı murasyna qosqan úlesin zerdeleý» atty zertteý jumysynyń nátıjeleri el damýyna eleýli úles qosqan 50 kórnekti tulǵadan turatyn biregeı málimetter bazasy túrinde usynylady. Olardyń arasynda kompozıtor, professor Brýsılovskıı Evgenıı Grıgorevıch, ańyzǵa aınalǵan folklorıst, etnograf, kompozıtor Zataevıch Aleksandr Vıktorovıch te bar.
Aıta ketý kerek, HH ǵasyrdyń basy men ortasynyń mádenıet jáne qoǵam qaıratkerlerimen qatar, eńbekte Gerold Belger, Nına Patrýsheva, Anatolıı Hrapatyı, Denıs Ten jáne basqa da qazirgi Qazaqstannyń damýyna úles qosqan qazaqstandyqtardyń eńbegi atap ótildi.
