Kóptegen oblystarda qylmysqa qarsy turý jóninde tıisti sharalar qabyldanbaıdy - QR Bas prokýratýrasy
ASTANA. 29 qarasha. QazAqparat - Búgin Bas Prokýror Ashat Daýylbaevtyń tóraǵalyq etýimen Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń kezekti otyrysy bolyp ótip, onda qylmystyń jáne quqyq buzýshylyqtyń aldyn-alýdyń óńirlik baǵdarlamalarynyń oryndalý máseleleri talqylandy.
QR Bas prokýratýrasy baspasóz qyzmetinńń habarlaýynsha, jınalys jumysyna úılestirý keńesiniń músheleri, ishki ister, eńbek jáne halyqty áleýmettik qorǵaý, bilim jáne ǵylym, densaýlyq saqtaý mınıstrlikteriniń basshylary, beınekonferentsııalyq baılanys arqyly oblys prokýrorlary, oblystyq ishki ister departamentteriniń basshylary, ákimderdiń orynbasarlary qatysty.
Jınalysta atap ótilgendeı, azamattardyń qaýipsizdigi men tynyshtyǵy, elimizdegi qylmystyq ahýal qylmys profılaktıkasynyń tıimdiligine baılanysty bolmaq. Biraq ta, júrgizilgen tekserýlerdiń qorytyndylary qylmys pen quqyq buzýshylyq profılaktıkasynyń óńirlik baǵdarlamalary tıisti deńgeıde oryndalmaı otyrǵanyn kórsetedi. Kóptegen oblystardyń baǵdarlamalarynda memlekettik organdardy profılaktıkalyq jumystardyń naqty nátıjelerine jetýge baǵyttaıtyn maqsatty ındıkatorlar men kórsetkishter joq. Osynyń saldarynan júrgizilip otyrǵan profılaktıkalyq is-sharalar zańdylyq pen quqyqtyq tártiptiń jaı-kúıine tıisti áserin tıgize almaıdy, qylmysqa tosqaýyl qoıý boıynsha tıisti sharalar qarastyrylmaǵan. Azamattardyń qoǵamdyq tártipti qamtamasyz etýge qatysýy tárizdi quqyq buzýshylyq profılaktıkasynyń mańyzdy bólshegi jetkilikti deńgeıde paıdalanylmaıdy. Atqarýshy organdar men ishki ister organdary arasyndaǵy osy jumys boıynsha ózara is-qımyl jáne úılestirý máseleleri tıisti deńgeıde bolmaı otyr.
Talqylaý qorytyndysy boıynsha ýákiletti organdarǵa qylmysty eskertýdiń tıimdiligin arttyrý, olardy jasaýǵa septigin tıgizetin sebepter men jaǵdaılardy anyqtaý jáne joıýǵa baǵyttalǵan úılesimdi jáne múddeli sharalar keshenin daıyndaý mindeti júkteldi. Atap aıtqanda, quqyq buzýshylyq profılaktıkasynyń óńirlik baǵdarlamalarynyń tolyqqandy oryndalýyna tıisti vedomstvolyq baqylaýdy qamtamasyz etý qajettiligi, júrgizilip otyrǵan is-sharalar mazmunyn qaıta qaraý, profılaktıkalyq jumystyń qazirgi zamanǵa saı áreket ete alatyn ádisterin engizý qajettiligi atap kórsetildi. Sondaı-aq kámeletke jasy tolmaǵandardyń arasynda, qoǵamdyq oryndarda, múliktik qylmystar salasynda profılaktıkalyq jumystardyń belsendiligin arttyrý usynyldy.
Prokýratýra organdaryna óńirlik baǵdarlamalardyń tıisti deńgeıde oryndalýyna qadaǵalaýdy kúsheıtý, quqyqtyq tártip pen qoǵamdyq qaýipsizdikti kúsheıtý boıynsha ýákiletti organdardyń qyzmetin úılestirýdi arttyrý tapsyryldy.
