Kóptegen memleket tsıfrlyq valıýtalaryn synaqtan ótkizýge kirisip ketti- Toqaev

NUR-SULTAN. QazAqparat - Kóptegen memleket ózderiniń tsıfrlyq valıýtalaryn is júzinde synaqtan ótkizýge kirisip te ketti. Bul týraly Reformalar jónindegi joǵary keńestiń otyrysynda QR Prezıdenti Qasym-Jomart Toqaev aıtty, dep habarlaıdy QazAqparat.

«Atalǵan baǵyt – qarjy júıesiniń bolashaǵyna degen «fýtýrıstik» kózqaras qana emes, sondaı-aq júzege asyrýǵa bolatyn joba. Kóptegen memleket ózderiniń tsıfrlyq valıýtalaryn is júzinde synaqtan ótkizýge kirisip te ketti. Olardyń qyzmetteri úshin ekojúıe ázirlenip, qurylyp jatyr. Biz ınstıtýttarymyzdy jańa jaǵdaılarǵa beıimdeýge daıyn bolýymyz kerek», – dedi Qasym-Jomart Toqaev.