Kóptegen halyqaralyq sarapshylar Qazaqstan Konstıtýtsııasyna eń joǵary baǵa berip otyr - T. Ábishev
«Konstıtýtsııanyń róline keletin bolsaq, Ata zańymyz eldiń Negizgi zańy bolyp qana qoımaıdy, ol ishki, syrtqy saıasattyń negizgi baǵyttaryn, memleketimizdiń ekonomıkalyq, quqyqtyq jáne mádenı damýyn aıqyndaıdy. Al adam quqy turǵysynan keletin bolsaq, Qazaqstan aǵymdaǵy jyly BUU Adam quqyqtary jónindegi keńesiniń aldynda atalǵan sala boıynsha barlyq halyqaralyq mindettemelerin sátti qorǵap shyqty. BUU múshe memleketterdiń ókilderi, sondaı-aq halyqaralyq sarapshylar Qazaqstan Konstıtýtsııasynyń erejelerine joǵary baǵa berdi. Budan bólek, aǵymdaǵy jylǵy naýryzda biz násildik kemshitýshiliktiń barlyq túrlerin joıý týraly ulttyq baıandamany da jemisti qorǵadyq. BUU Komıtetiniń tóraǵasy Ánýar Kemal men onyń 17 sarapshysy da Qazaqstan Konstıtýtsııasy erejelerine joǵary baǵa berdi. Sonymen qatar, biz mamyr aıynda Ekonomıkalyq, saıası, áleýmettik jáne mádenıet quqyqtary týraly halyqaralyq pakti boıynsha birinshi Qazaqstandyq ulttyq baıandamany da úzdik qorǵadyq. Onda da Ata zańymyzǵa joǵary baǵa berildi. Jalpy, halyqaralyq sarapshylar Qazaqstan Konstıtýtsııasyna biraýyzdan eń joǵary baǵa berdi. Bas qujatymyzdy Frantsııa, AQSh jáne Reseıdiń konstıtýtsııa sıntezi degen mánge ıe boldy», dedi T. Ábishev.
Onyń aıtýynsha, halyqaralyq sarapshylar Qazaqstan Ata zańynyń qýatyn moıyndaı otyryp, onyń qoldanystaǵy áleýetin tolyq paıdalaný týraly usynystar jasaǵan. ıAǵnı, zańǵa táýeldi aktiler, erejeler men zańdar Qazaqstan Konstıtýtsııasynyń erejelerine sáıkes bolýy tıistigine basa mán berý qajettigi aıtylady.