Kópshilik daýys jınaǵan «Ádilet» partııasyna qoıylatyn talap asa joǵary — Prezıdent
ASTANA. KAZINFORM — Búgin QR Quryltaıynyń birinshi sessııasynyń ashylýynda Memleket basshysy Qasym-Jomart Toqaev Quryltaıda konstıtýtsııalyq kópshilikti quraǵan «Ádilet» partııasyna qatysty pikir aıtty.
— Elimizdiń áleýmettik-ekonomıkalyq damýyna serpin beretin eń utymdy sheshimder Úkimettiń jumysynda eskerilýge tıis. Saılaýda «Ádilet» partııasy basym daýyspen jeńiske jetip, Quryltaıda konstıtýtsııalyq kópshilikti qurap otyr. Sondyqtan «Ádilet» partııasyna qoıylatyn talap ta, artylatyn úmit te, senim de asa joǵary. Osy oraıda, qoǵamdy ortaq múddege uıystyryp, reformalardyń qozǵaýshy kúshi bolý óte mańyzdy. Bul mindet oıdaǵydaı oryndalady dep senemin, — dedi Qasym-Jomart Toqaev.
Aıta keteıik, búgin Astanada Prezıdenttiń qatysýymen birinshi shaqyrylymdaǵy QR Quryltaıynyń birinshi sessııasy ashyldy.
