Kópshilik qazaqstandyq skrınıngten ótýge kóp mán bere bermeıdi -dáriger
ALMATY. QazAqparat – Almatydaǵy №11 qalalyq emhana mamandary qaterli isik, gıpertonııa, qant dıabeti aýrýynyń aldyn alyp jáne onyń belgilerin erte anyqtaý úshin skrınıngtik tekserýdi bastady, dep habarlaıdy QazAqparat tilshisi.
Dárigerlerdiń aıtýynsha, kóptegen adamdar skrınıngke shaqyrýdy elemeıdi, bul aýyr jaǵdaılarǵa ákelýi múmkin. Adamnyń densaýlyǵyna ǵana emes, ómirine de qaýip tóndiredi.
«Ótken jyly 4762 adam skrınıngten ótti, onyń ishinde arterııalyq gıpertenzııa - 341, qant dıabeti boıynsha 31 naýqas, glaýkoma 36 adamnan bar ekeni anyqtaldy. Bul naýqastardyń barlyǵy dıspanserlik esepke alyndy, endi beıindi mamandar naýqastardyń densaýlyǵyn baqylaýda. Tik ishek qaterli isigi 4 patsıentten anyqtaldy. Biz 2600 áıeldi sút bezi qaterli isigine tekseris júrgizdik jáne olardyń 4-ine erte satysynda dıagnoz qoıyldy. Jatyr moıny obyryna tekserilgen 2300 patsıenttiń 1-inen anyqtaldy», - deıdi №11 qalalyq emhananyń bas dárigeriniń emdeý-profılaktıkalyq jumys jónindegi orynbasary Aınash Amýrkazınova.
Skrınıng kezinde tekseriletin aýrýlardyń tizimi jyl saıyn jańartylyp otyrady. 2021 jylǵa arnalǵan skrınıngke arterııalyq gıpertenzııany, júrektiń ıshemııalyq aýrýy men qant dıabetin erte anyqtaý, profılaktıkalyq tekserýler, minez-qulyq qaýipti faktorlaryn erte anyqtaý - artyq salmaq, semizdik, dene belsendiliginiń tómendiligi, temeki shegý, qaýipti dozada alkogoldi ishý kirdi. Glaýkoma Belgilerin erte anyqtaý skrınıngtik tekserýler tiziminde de bar. Qaterli isik onkologııalyq aýrýlardyń birneshe túri: jatyr moıny obyry, sút bezi qaterli isigi, tik ishek qaterli isigi.
«Skrınıng - bul belgili bir jastaǵy saý adamdardy aldyn ala medıtsınalyq tekserýden ótkizý, qaýip faktorlary men aýrýlaryn erte satysynda anyqtaý. Ony emdeýdiń tıimdiligin jaqsartý jáne asqynýlardyń damýyna jol bermeıdi. Skrınıngtik tekserýler aqysyz medıtsınalyq kómektiń kepildendirilgen kólemi sheńberinde, aýmaqtyq tirkelgen jerdegi emhanalarda júrgiziledi», - deıdi Aınash Amýrkazınova.
Minez-qulyqty anyqtaýǵa arnalǵan skrınıngti 40-70 jastaǵy er adamdar men 30-70 jastaǵy áıelderde 2 jylda bir ret júrgizilip otyrady.
Minez-qulyqtyń qaýipti faktorlary - artyq salmaq, semizdik, fızıkalyq belsendiliktiń tómendeýi, temeki shegý, alkogoldi qaýipti dozalarda qoldaný.
Glaýkomany anyqtaý úshin emtıhan kezinde dáriger kózdiń qysymyn ólsheıdi, ony 40 pen 70 jas aralyǵyndaǵy erler men áıelderge jasaıdy.
Jatyr moıny qaterli isigin erte anyqtaý skrınıngi 30-dan 70 jasqa deıingi áıelderdi, akýsher-gınekologtyń qaraýynan, kolposkopııany - kórsetkishter boıynsha 4 jylda bir ret ótkizedi.
Sút bezi qaterli isigin anyqtaý úshin emhanada sút bezderin rentgenologııalyq zertteý (mammografııa) júrgiziledi, oǵan 2 jylda 1 ret 40-tan 70 jasqa deıingi áıelder shaqyrylady.
Tik ishektiń qaterli isigi nájisti zertteý arqyly anyqtalady. Taldaýdy eki jylda bir ret 50 jastan 70 jasqa deıingi adamdardan alynady.
«Skrınıngtik tekserýden ótý úshin №11 qalalyq emhanaǵa bekitilgen naýqastar profılaktıka jáne áleýmettik-psıhologııalyq kómek bólimine, №155, 156, 157, 158, 159, 160 bólmelerine saǵat 08.00-18.00-ge deıin, senbi kúni saǵat 08.00-14.00-ge deıin habarlasýlary qajet», - dedi profılaktıka jáne áleýmettik-psıhologııalyq kómek bóliminiń basshysy Dına Ońlasynova.
