Kópshilik adam portalǵa qatysty aqparattardy bile bermeıdi - DSM
«Aýrýhanaǵa josparly túrde jatý úshin aldymen portalǵa tirkelý kerek ekenin kóbi biledi, biraq turǵyndardyń aryz-shaǵymynyń 25%-y portalmen baılanysty. Mysaly, portal arqyly kezek kútý ýaqyty uzaq ekendigine, aımaqtyq nemese respýblıkalyq aýrýhana portaldy jaýyp tastaǵanyna, portaldyń ashylmaı turǵanyna, aýrýhana portal arqyly qabyldamaıtynyna qatysty shaǵymdar. Negizi statıstıka boıynsha, portal arqyly kútý ýaqyty 3 aptadan aspaıdy», - deıdi QR Densaýlyq saqtaý mınıstrligi Tsıfrlandyrý ofısiniń baspasóz habarlamasynda.
Onyń aıtýynsha, azamattar portalǵa qoıylǵan-qoıylmaǵanyn qalaı tekserý kerektigin bilmeıdi.
«Bul máseleni sheshý úshin Qazaqstan Respýblıkasy aýmaǵynda www.bg.eisz.kz portaly jumys isteıdi. Bul jerde siz JSN, aty-jónińiz ben tegińizdi engizý arqyly aýrýhanaǵa josparly túrde jatýdyń ýaqyty men ornyn, barlyq aımaqtyq jáne respýblıkalyq aýrýhanalardaǵy kútý paraǵyn jáne tolyq aqparat bilý úshin ár aımaq boıynsha baılanys nómirlerin kóre alasyz», - deıdi baspasóz hatshysy.
Aıta ketý kerek, qazrgi ýaqytta QR Densaýlyq saqtaý mınıstrligi egov.kz-pen birigip aýrýhanaǵa josparly túrde jatý ýaqyty men orny týraly SMS-habarlamany avtomatty túrde jiberetin baǵdarlama daıyndap jatyr.