Kópqabatty úıdiń aýlasynda dop oınaǵan oqýshyny urǵan aqtóbelik ustaldy

AQTÓBE. QazAqparat - Kópqabatty úıdiń aýlasynda dop oınaǵan oqýshyny urǵan 32 jastaǵy aqtóbelik ustaldy, dep habarlaıdy QazAqparat tilshisi.

Polıtsııa áleýmettik jelige monıtorıng júrgizý barysynda kópqabatty úıdiń aýlasynda er adamnyń oqýshyny urǵanyn anyqtady. Ol óz avtokóliginiń janynda dop oınaǵan balanyń jaǵasyna jarmasyp, uryp-soqqan.
«Ýchaskelik polıtsııa ınspektorlary oqıǵa qatysýshysyn anyqtady. Ol osy úıdiń 32 jastaǵy turǵyny bolyp shyqty. Kúdikti 9-synyp oqýshysyn urǵan. Buzaqylyq faktisi boıynsha QR QK 293-baby1-bóligimen sotqa deıingi tergeý bastaldy»,- dedi oblystyq PD baspasóz qyzmetiniń jetekshisi Erbolat Sarqulov.