Kópqabatty úıden páter satyp alatyn qazaqstandyqtar sany ósti
«2018 jylǵy naýryzda turǵyn úıdi satyp alý-satýdyń tirkelgen mámileleriniń sany 16 764 qurap, ótken aımen salystyrǵanda 5,6 paıyzǵa kemidi. 2018 jylǵy qańtar-naýryzda turǵyn úıdi satyp alý-satý mámileleriniń sany ótken jylǵy tıisti kezeńmen salystyrǵanda 0,3 paıyzǵa artty», - delingen vedomstvo málimetinde.
Respýblıka boıynsha satyp alý-satý mámilelerinde jeke turǵyn úıleri sany 4825, al kópqabatty úılerdegi páterleri sany 12236 quraıdy. Mámilelerdiń basym bóligi Astana (2674), Almaty (2168) jáne Qaraǵandy (1830) qalalarynda tirkelgen. Bul qalalarda negizinen kópqabatty úılerdegi páterlerdi satyp alý-satý mámileleri jasalǵan. Jeke úılerdi satyp alý-satý mámileleri Ońtústik Qazaqstan (715), Almaty (676) jáne Shyǵys Qazaqstan (445) oblystarynda oryn alǵan. Jalpy aǵymdaǵy jyldyń 1-toqsanynda elimizdiń batys óńirinde, atap aıtqanda Batys Qazaqstan, Atyraý jáne Aqtóbe oblystarynda turǵyn úı naryǵynda ósim bar. Al Turǵyn úıdi satyp alý-satý mámileleri Almaty (-12,1 %) men Astana (-2,4) qalalarynda jáne Pavlodar (-4,8) oblysynda tómendegindigi baıqalady.
