Kópqabatty úıdegi órt: 200 adam qaýipsiz jerge shyǵaryldy
AQTÓBE. QazAqparat - Aqtóbede kópqabatty úıden shyqqan órt kezinde 200 adam qaýipsiz jerge kóshirildi. Órtti sóndirýge 7 tehnıka men 37 adam jumyldyryldy, dep habarlaıdy QazAqparat tilshisi.
«Oblystyq TJD saǵat 15:03-te habar tústi. Órt sóndirýshiler 15:11-de oqıǵa ornyna jetti. Al saǵat 15:50-de órt sóndirildi. Barlyǵy 200 adam qaýipsiz jerge shyǵaryldy, 3 adam órtten qutqaryldy. Órt sóndirýge 7 tehnıka men 37 adam jumyldyryldy. Aldyn ala belgili bolǵany, zardap shekken eshkim joq»,- dep habarlady oblys ákiminiń baspasóz qyzmeti.
Buǵan deıin habarlaǵanymyzdaı, Aqtóbede 9 qabatty úı órtendi.
Órt shyǵyndaryn anyqtaý úshin arnaıy komıssııa quryldy.
Jergilikti ákimdik órt kezinde zardap shekken otbasy múshelerine qajetti kómek beretin boldy. Qazir oqıǵa ornynda ishki ister organdary, prokýratýra men tótenshe jaǵdaılar qyzmeti, jergilikti ákimdik ókilderi júr.
