Kópqabatty úı aýlasynda jatqan dıplomat Óskemen turǵyndaryn úreılendirdi

ÓSKEMEN. QazAqparat – Óskemen qalasynda kópqabatty úı aýlasynda jatqan dıplomat turǵyndardy úreılendirdi, dep habarlaıdy QazAqparat tilshisi.

Áleýmettik jelilerde quqyq qorǵaý organy qyzmetkerleriniń Qabanbaı batyr kóshesindegi kópqabatty turǵyn úı aýlasynda kóptep júrgendigi týraly beınejazba tarap ketti.

Ol jaıly ShQO Polıtsııa departamentiniń baspasóz qyzmeti túsinik berdi.

«22 qarasha kúni saǵat 11:17-de «102» jedel arnasyna qońyraý shalǵan azamat kóshedegi №15 jáne 17 úılerdiń arasyndaǵy aýlada jatqan dıplomattyń kúdik týdyratyndyǵy týraly habar berdi. Polıtsııa qyzmetkerleri oqıǵa ornyna shuǵyl kelip jetken. Tekserý nátıjesi boıynsha dıplomattan qaýipti zattar tabylmady», - dep habarlady vedomstvo ókilderi.