Kópqabatty páterde gaz jarylysynan eki adamdy kúıik shaldy
ALMATY. QazAqparat -Almatyda kópqabatty páterde gaz qospasy jarylyp, 80 jastaǵy áıel adamnyń denesin kúıik shaldy, dep habarlaıdy QazAqparat tilshisi.
Qalalyq TJD-nyń baspasóz qyzmeti habarlaǵandaı, jarylys tańǵy 8:00-de Bostandyq aýdanyndaǵy Orbıta-4 shaǵyn aýdany №11 bes qabatty úıde bolǵan.
Qalalyq qutqarý qyzmetiniń baspasóz qyzmeti málimdegendeı, tórtinshi qabattaǵy páterde gaz aýa qospasy jarylyp, 80 jastaǵy áıeldi kúıik shaldy. Qazir áıel aýyr jaǵdaıda Ortalyq klınıkalyq aýrýhanaǵa jetkizildi. Onyń denesiniń 80 paıyzyn kúıik shalǵan.
Sondaı-aq, tótenshe jaǵdaıdan 45 jastaǵy er adam japa shekti. Ol №4 aýrýhanaǵa jetkizildi.
Sondaı-aq, jarylys saldarynan páterdiń esikteri men terezeleri synyp, jıhazdar búlindi.
