Kópqabatty úılerdi qoldanysqa berý ókileti TJM-ge ótýi múmkin

ASTANA. KAZINFORM – Úkimet otyrysynda Tótenshe jaǵdaılar mınıstri Shyńǵys Árinov keıbir jer úı ıeleri órt qaýipsizdigine jaýapty TJM ókilderin úıine kirgizbeıtinin aıtty.

«Jeke turǵyn úı sektory mınıstrliktiń baqylaýyna jatpaıtynyn, tek aýla aralaý kezinde usynystarmen ǵana shekteletinimizdi atap ótkim keledi. Oǵan qosa, kóp jaǵdaıda halyq úılerine bas suqtyrmaı, keńes alýdan bas tartady», - dedi Shyńǵys Árinov. 

Biraq sala mamandary mańyzdy aqparatt halyqqa SMS-habarlamalar, múlik ıeleriniń birlestikteriniń chattary arqyly joldap otyrǵan kórinedi.

«Sonymen qatar, kóp qabatty turǵyn úıler men adamdar kóp jınalatyn obektilerdi paıdalanýǵa qabyldaý ókilettikterin mınıstrlikke berý máselesin sheship jatyrmyz», - dedi vedomstvo basshysy.