Kópirdegi jarylystan 30 adam mert boldy
ASTANA. QazAqparat - Juma kúni túnde belgisiz bireýler Nıgerııanyń soltústik-batysynda Borno shtatyndaǵy kópirdi jaryp jiberdi. Oqıǵa saldarynan aldyn ala málimet boıynsha 30 adam qaza tapqan, dep habarlady sheteldik BAQ.
Oqıǵa ornynda jumys istep jatqan qutqarýshylar úıindi astynda áli kóptegen adamnyń bolýy múmkin ekendigin aıtýda.
Bul qastandyq áreketti kim jasaǵandyǵy belgisiz. Degenmen, boljam boıynsha jarylysty «Boko Haram» tobynyń sodyrlary jasaýy múmkin. Ázirshe, bul qandy oqıǵa jaýapkershiligin eshqandaı lańkestik top moınyna alǵan joq. Qazirgi ýaqytta tergeý amaldary júrgizilýde.
Jarylys Gamborý-Ngala qalasynda jergilikti turǵyndar sodyrlar qolynan mert bolǵan adamdardy jerleý barysynda oryn aldy. Ol kezde saýytty kólikke mingen «Boko haram» lańkesteri úıler men dúkenderge oq jaýdyrǵan bolatyn. Sonyń saldarynan 200-den astam adam qaza tapqan edi.
