Kópir qırap, 11 adam ajal qushty
ASTANA. QazAqparat - Qytaıdyń ońtústiginde salynyp jatqan tas kópir opyrylyp tústi. Onyń saldarynan kem degende 11 adam ajal qushyp, birnesheýi jaraqat aldy.
Bul oqıǵa Gýandýn provıntsııasyndaǵy Maomın qalasynda oryn aldy.
Belgili bolǵandaı, bıliktiń tyıym salýyna qaramastan, jergilikti turǵyndar eldi mekende kópirdiń qurylysyn júrgizgen. Qala úkimeti birneshe márte qurylys jumystaryn jalǵastyrýǵa shekteý engizgen kórinedi, alaıda turǵyndar úsh kúndik demalysty paıdalanyp, atalǵan nysandaǵy qurylysty jandandyrǵan. Osy jumystyń barysynda kópir opyrylyp tústi, dep jazady sheteldik BAQ.
