«Kópetnosty Qazaqstandaǵy polıtsııa qyzmeti» atty birlesken joba aıasynda tórtjaqty memorandýmǵa qol qoıyldy
Bul memorandýmnyń ózi joǵaryda atalǵan birlesken jobanyń is júzine asýyn bildiredi.
Esterińizge sala keteıik, «Kópetnosty Qazaqstandaǵy polıtsııa qyzmeti» atty jobany Qazaqstan halqy Assambleıasynyń bastamasymen EQYU Az ulttar jónindegi Joǵarǵy komıssar daıyndaǵan. Ol EQYU-nyń múshe memleketterine ultaralyq qatynastar salasyn kúsheıtý jáne jedeldik deńgeıinde polıtsııa jumysynyń tıimdiligin arttyrý salasyndaǵy saıasat pen zańnamany damytý úshin tájirıbelik nusqaýlyq beretin Kópultty qoǵamdaǵy polıtsııa qyzmeti máseleleri jónindegi Az ulttar isterine qatysty usynymdar negizinde ázirlengen.
Atalǵan joba 2012 jylǵy maýsym men 2013 jylǵy jeltoqsan aralyǵynda QR Іshki ister mınıstrligi men EQYU Astanadaǵy ortalyǵynyń birlesip uıymdastyrýymen júzege asatyn bolady. Onyń júzege asýyna EQYU-nyń polıtsııa qyzmetiniń strategııalyq máseleler bólimi men Ulybrıtanııa polıtsııa qyzmeti salasynyń sarapshylary qoldaý bildirgen.
Joba aıasynda Almaty jáne Ońtústik Qazaqstan oblystarynyń joǵary, orta quramdaǵy polıtsııa ofıtserleri úshin tájirıbelik semınarlar, polıtsııa qyzmetkerlerin daıarlaý jónindegi oqý ortalyǵy úshin arnaıy mamandar oqytý jumystaryn ótkizý josparlanýda.
