Kopengagende lańkester halyqqa bir táýlikte eki ret qarýly shabýyl jasady
ASTANA. QazAqparat - Danııanyń astanasy Kopengagen qalasynda bir táýlik ishinde eki ret lańkester shabýyly oryn aldy. Shabýyl saldarynan alty adam jaraqattanyp, bir adam qaza tapty, dep habarlaıdy Bı-bı-sı.
Birinshi shabýyl kezinde dindi qorlaý jáne óz pikirin erkin bildirý taqyrybynda ótip jatqan ashyq pikirsaıysqa jınalǵan halyqty qorǵap turǵan úsh polıtseı jaraqat alǵan. Olarǵa qarýly eki adam oq atqan. Osy kezde bir adam qaza tapqan kórinedi.
Qazirgi sátte shabýyl jasaǵandar izdestirilýde.
Aıta ketý kerek, bul pikirsaıysqa Muhammed (s.a.s) paıǵambardy kelekelegen harıkatýralardy salýshy Lars Vılks qatysyp jatqan.
Sodan birneshe saǵat ótken soń qalalyq sınagoga mańynda da atys boldy. Bir turǵyn basynan jaraqattansa, eki polıtseıdiń aıaq-qolyna oq tıgen.
Eki oqıǵanyń bir-birine qatysy bar-joǵy anyqtalýda.
