Kopengagende kólik bir top adamdy qaǵyp ketti

ASTANA. KAZINFORM — Kopengagen qalasynyń ortalyǵynda bir top azamatty kólik basyp ketýi saldarynan kem degende 11 adam zardap shekti, dep habarlaıdy Kazinform tilshisi.

Oqys oqıǵa Dronning Louises Bro aýdanynda bolǵan. Polıtsııa derekterine súıensek, egde jastaǵy er adam kólik tizginin basqara almaı qalǵan. Bastapqyda jol jóndep jatqan jerge soqtyǵysqan kólik, jolshybaı velosıpedshini, keıin bir top adamdy basyp ótken.

Qazir júrgizýshi soqtyǵysý saldarynan alǵan jaraqattaryn emdetip jatyr, biraq onyń jaǵdaıy aýyr emes. Ázirge jergilikti polıtsııa oqıǵanyń mán-jaıyn tolyq anyqtamady.

— Biz muny istegennen keıin, aıyp taǵý kerek pe, sony qarastyramyz, — dedi polıtsııa ókili Iesper Frandsen jergilikti teledıdarǵa bergen suhbatynda.

Buǵan deıin Kanadada festıval kezinde kólik bir top adamdy basyp ketkenin jazǵanbyz. Oqys oqıǵadan birneshe adam qaza taýyp, taǵy birqatary jaralandy.