Kopengagen taǵy da ómir súrýge laıyqty úzdik qala atandy
ASTANA. QazAqparat - Bedeldi Monocle jýrnaly jyl saıyn dástúrge aınalǵan ómir súrýge barynsha jaıly álemniń eń úzdik qalalarynyń reıtıngin jarııa etti, dep habarlady sheteldik BAQ.
Reıtıngte osymen ekinshi jyl birinshi orynda Danııa astanasy Kopengagen kele jatyr. Sarapshylar qalanyń kóptegen qundylyqtarymen qatar onyń atmosferasynyń lıberaldyǵyn, qyzyqty sáýletin jáne qoǵamdyq kólikter jumysynyń jaılylyǵyn atap ótýde.
Al reıtıngtiń ekinshi orny Tokıoǵa buıyrsa, úzdik úshtikti Melbýrn tuıyqtap tur. Tórtinshi orynda - Stokgolm. Atalǵan tizimge ómir súrýge barynsha jaıly álemniń 25 qalasy kirip otyr.
Álemniń ómir súrýge jaıly úzdik qalalaryn anyqtaýda qaýipsizdik, densaýlyq saqtaý, bilim alý múmkinshiligi, ekologııa jáne bıznes júrgizý qarapaıymdylyǵy syndy kórsetkishter baǵalanady.
