Kopengagen álemdegi eń baqytty qala dep tanyldy

ASTANA. KAZINFORM – Bul Londondaǵy Ómir sapasy ınstıtýty jasaǵan jańa reıtıng nátıjesi. 

AZERTADJ sheteldik BAQ-qa silteme jasap habarlaǵandaı, úzdik bestikte Tsıýrıh (Shveıtsarııa), Sıngapýr, Orhýs (Danııa) jáne Antverpen (Belgııa) bar.

Sarapshylar qalalardy alty negizgi krıterıı boıynsha baǵalaǵan:

Jalpy ál-aýqat (bilim berý, memlekettik qoldaý, turǵyn úımen qamtamasyz etý);

Basqarý (azamattardyń qatysýy, ashyq derekterge qoljetimdilik, elektrondy qyzmetter);

Ekologııa (jasyl aımaqtar, aýanyń sapasy, qaldyqtardy óńdeý deńgeıi);

Ekonomıka (JІÓ, jumyssyzdyq deńgeıi);

Densaýlyq (medıtsınalyq qyzmetter, psıhıkalyq densaýlyq, jumys pen jeke ómir arasyndaǵy teńgerim);

Kólik júıesi (tasymal sapasy, baǵasy, jol-kólik oqıǵalarynyń sany).

Ár qala osy krıterııler boıynsha baǵalanyp, upaı jınaǵan. Jınalǵan upaılar boıynsha qalalar úsh sanatqa bólindi: Golden Happiest, Silver, jáne Bronze. Jalpy reıtıngke 200 qala engen.

Aıta ketelik Qazaqstandaǵy eń las qalalardyń antıreıtıngi jarııalanǵan bolatyn.