Kópbalaly jáne jalǵyzbasty analar NEET sanatyna jatqyzyldy
ASTANA. QazAqparat – Elimizde NEET sanatyna jatatyn jastardyń derekter bazasy qaıta qaraldy. Bul týraly QR Aqparat jáne qoǵamdyq damý vıtse-mınıstri Danııar Qadyrov málim etti, dep habarlaıdy QazAqparat tilshisi.
«Jergilikti atqarýshy organdardyń málimetteri negizinde NEET sanatyndaǵy jastardyń derekter bazasy qaıta qalyptastyryldy. Ol boıynsha atalǵan sanatqa jatatyndardyń 4 toby bar. Aldymen, jumyssyz jastar. ıAǵnı oqý ornyn bitirgen, biraq jumyssyz. Osy sanatta bas bostandyǵynan aırylǵandar men merzimdi áskerı qyzmet ótep, jumyssyz júrgen jastar da bar. Ekinshi top - eńbekke qabiletti, biraq múmkindigi shekteýli jandar. Úshinshi, belsendi emes jastar. Olar alkogol men esirtkige táýeldi nemese qumar. Sozylmaly aýrýdan zardap shegip ońaltýdan ótip júrgen jastar»,- dedi Danııar Qadyrov OKQ-de ótken brıfıngide.
Sonymen qatar atalǵan tizimde jumys izdeýge nemese oqýǵa talpynbaıtyn jastar da bar.
«NEET-tiń sońǵy sanatyna úı sharýashylyǵyndaǵy jastar men áıelder, sondaı-aq kópbalaly jáne jalǵyz basty analar kirip otyr», - dep túsindirdi ol.
Buǵan deıin D. Qadyrov jastar sanatyna kiretinder sany ulǵaıýyna baılanysty jeńildikpen jalǵa beriletin turǵyn úı baǵdarlamasyna ózgerister engizý qarastyrylyp jatqany týraly aıtqan edi.
