Kópbalaly jáne az qamtylǵan otbasylardyń balalary teatrǵa tegin kiredi – SQO ákimi
SQO ákimi Qumar Aqsaqalov QR halyq ártisi Lıýdmıla Týrpaıan-Vanıýkovany 75 jyldyq mereıtoıymen quttyqtady. 53 jyl sahna tórinde júrgen aktrısa osy aralyqta 150-den astam róldi somdaǵan. Ákim mereıtoı ıesine densaýlyq, qyzyqty rólder men kórermenderdiń súıispenshiligin tileı otyra jaqsy jańalyqpen bólisti. Bul jaıynda ol áleýmettik jelidegi paraqshasynda jazdy.⠀
«Osyndaı tulǵalardyń arqasynda teatr óneri óshpeı, adamgershilik pen rýhanı tárbıeniń qaınar kózi bolyp qala bermek. Biz jastardy teatrlarǵa tartýymyz kerek. Sondyqtan kópbalaly jáne az qamtylǵan otbasylardyń balalary úshin teatrǵa kelýdi aqysyz etýge sheshim qabyldadyq», - dep atap ótken Qumar Aqsaqalov óz jazbasynda.
SQO ákiminiń bastamasymen 2018 jyldan beri óńirdegi mýzeılerge kirý tegin.
Qazir Petropavlda – 5, oblys boıynsha 9 mýzeı bar.
«2018 jyldyń naýryzynan bastap aımaq basshysynyń sheshimimen mýzeılerge kirý tegin boldy. Nátıjesinde kelýshiler sany eki ese artty. «Abylaıhan rezıdentsııasy» mýzeı kesheni SQO-nyń sakraldy kartasyna engen. Oblysqa, Petropavlǵa kelgen qonaqtar nysanǵa bas suqpaı ketpeıdi. Birer kún buryn Túrkııadan kelgen qonaqtardy qabyldadyq. Mekteptermen tyǵyz baılanys ornatylǵan, ashyq sabaqtar ótip turady», - deıdi «Abylaıhan rezıdentsııasy» mýzeı kesheni dırektorynyń orynbasary Ásemgúl Qydybekova.
