Kópbalaly otbasynyń balalary murajaı men kontsertterge tegin kire alady
Jeńildikke kimniń quqyǵy bar jáne ony qalaı paıdalanýǵa bolatynyn elordalyq mádenıet jáne sport basqarmasy aıtyp berdi.
«Aljır» murajaı-memorıaldyq kesheni
Az qamtamasyz etilgen jáne kópbalaly otbasynan shyqqan balalar, múmkindigi shekteýli balalar jáne jetim balalar úshin murajaıda ekskýrsııa tegin júrgiziledi. Jeńildikke ıe bolý úshin tıisti qujattardy kórsetý kerek.
Sáken Seıfýllın murajaıy
Az qamtamasyz etilgen otbasynyń balalary, múmkindigi shekteýli balalar, jetim balalar jáne kópbalaly otbasynan shyqqan balalar úshin murajaıda ekskýrsııa tegin júrgiziledi. Jeńildikke ıe bolý úshin qajetti qujattardy kórsetý kerek. Sáken Seıfýllın murajaıy, «Atameken» Qazaqstan kartasy», «Saıası qýǵyn-súrgin jáne totalıtarızm qurbandarynyń «ALJIR» memorıaldy-murajaı kesheni múgedek balalarmen, az qamtamasyz etilgen, kópbalaly otbasynan shyqqan balalarmen, sondaı-aq, «Zamandas 21» qorymen, «Otyrar» qaıyrymdylyq qorymen, zorlyq-zombylyq kórý nátıjesinde qıyn jaǵdaıǵa tap bolǵan jandar panalaıtyn daǵdarys baspana-ortalyǵymen, Astananyń arnaıy túzetý mektep-ınternatymen, balalar úıimen, «Jas Ulan» respýblıkalyq mektebimen, №17, 30, 41, 63 orta mektepterimen, «Qamqor» áleýmettik qyzmet kórseti ortalyǵymen, «Qazaqstan stýdentteriniń Alıansy» respýblıkalyq stýdenttik qozǵalysymen jáne basqa da uıymdarmen birge jumys jasaıdy. Murajaılarda tegin ekskýrsııalar júrgizilip, jańa jyldyq syılyqtar taratylyp, qaıyrymdylyq kómekter kórsetilgen. Murajaıdy tamashalap jáne kómekke ıe bolǵan adamdardyń jalpy sany - 10 601.
Astana qalasynyń Memlekettik akademııalyq fılarmonııasy
Astananyń Memlekettik fılarmonııasy ótkizetin kontsertterge kirý - ardagerler, zeınetkerler, kópbalaly otbasylar jáne múmkindigi shekteýli jandar úshin tegin. 11 óner ujymynan quralǵan Astana qalasynyń Memlekettik akademııalyq fılarmonııasy óziniń tyǵyz jumys kestesiniń arasynda múmkindigi shekteýli balalarmen kezdesip, olardy ónerge baýlýǵa ýaqyt tabady. Túrli baǵyttaǵy kontserttermen osy ujym jáne onyń jeke oryndaýshylary balalar úıine, «Úmit» daǵdarys ortalyǵyna, mamandandyrylǵan balalar úıine baryp shyqty.
Beıbitshilik jáne kelisim saraıy
Saraı boıynsha eresek adam úshin keshendi ekskýrsııa - 1000 tg, al 10 adamnan turatyn topqa - 800 tg, eger 10 adamnan kóp top bolsa - 500 tg, tıisti qujattardy usynǵan kezde UOS ardagerleri men qatysýshylaryna, mektep jasyna deıingi balalar, jetim balalar, kópbalaly analar men Aýǵan soǵysyna qatysqandarǵa kirý tegin.
Táýelsizdik saraıy
«Táýelsizdik Saraıy» kelýshilerde dúısenbi kúnnen basqa barlyq kúni saǵat 10:00-den 18:00-ge deıin kún saıyn qabyldaıdy. Bir bılet quny - 400 tg (gıd, Saraı boıynsha, Astana maket zaly, barlyq kórmeler boıynsha serýen kiredi); 5-12 jas aralyǵyndaǵy balalar úshin bılet quny - 300 tg (gıd, Saraı boıynsha, Astana maket zaly, barlyq kórmeler boıynsha serýen kiredi); 4D-kınoteatr zalyna bılet quny: eresekter úshin - 400 tg, balalar úshin- 300 tg. 5 jasqa deıingi balalarǵa, UOS qatysýshylary men múgedekteri, Aýǵanstandaǵy urys-qımyldarǵa qatysýshylar, Chernobyl AES-indegi apattyń saldaryn joıýǵa qatysýshylar (rastaıtyn qujattardy kórsetken jaǵdaıda) tegin kiredi. Qazirgi zaman óner galereıasyn kórý tegin. Uzaqtyǵy - 30-30 mınýt.
Táýelsizdik saraıy men Beıbitshilik jáne kelisim saraıy múmkindigi shekteýli balalarǵa, az qamtylǵan, kópbalaly jáne turmysy nashar otbasylarǵa basa nazar aýdaryp, qaıyrymdylyq ekskýrsııalar, kórme-lektsııalar, balalarǵa arnalǵan qoıylymdar, sheberlik synyptary, qýyrshaqtar tigý, sýret salý, sýretter men jumsaq oıynshyqtar jasaý, kıizden buıymdar jáne mýltfılm, ınteraktıvti oıyndar, sporttyq oıyndar, jarystar jáne taǵy basqa sharalar ótkizedi. Qaıyrymdylyq sharasy aıasynda mýzeıge 7372 adam kelgen.
