Kópbalaly otbasylarǵa arnalǵan páter quny qansha bolady

ASTANA. QazAqparat - Búgin Úkimet úıinde ótken baspasóz máslıhatynda kópbalaly otbasylarǵa arnap salynatyn páterlerdiń quny aıtyldy, dep habarlaıdy QazAqparat tilshisi.

«Búginde ákimdikterde 487 myń adam páter kezeginde tur. Onyń ishinde 28 myń adamǵa Memleket basshysynyń tapsyrmasymen 7 jyldyń ishinde 42 myń páter salýymyz kerek. Bul, jylyna 6 myń páterden salý degen sóz. Oǵan jylyna 50 mlrd teńge qarajat bólinedi. 60 sharshy metrdi quraıtyn páterdiń boljamdy baǵasy 8 mln 400 teńgeni quraıdy. 1 sharshy metri 140 myń teńgeden eseptelinedi. Eger odan joǵary bolsa, jergilikti bıýdjetten óteledi», - dedi QR Indýstrııa jáne ınfraqurylymdyq damý mınıstrligi Qurylys jáne turǵyn úı-kommýnaldyq sharýashylyǵy isteri komıtetiniń tóraǵasy Marhabat Jaıymbetov.

Onyń atap ótýinshe, búginde ákimdikte páter kezeginde kópbalaly analarlarmen qatar múgedekter, memlekettik qyzmetshiler de tur.