Kópbalaly otbasylardyń balalaryna arnalǵan 5 myń granttyń sharttary qandaı
«Memleket basshysynyń tapsyrmasyna sáıkes, 5 myń grant bólinedi. Granttar osy jyldyń qyrkúıek aıynan bóline bastaıdy. Bir shart bar - ol granttarǵa Ulttyq biryńǵaı testileýde shekti bal alǵan túlekter úmitker bola alady. 5 myń grantqa úmitker bola alatyn naqty sanattar bar - olar kópbalaly otbasylar men ataýly áleýmettik kómek alatyn otbasylardyń balalary. Bizde bıyl 53 700 grant bolady. Aldymen, osy granttardy úlestirilip, sodan ilinbeı qalǵan, joǵary sanatqa enetin túlekter 1 tamyzdan keıin ótinish bere alady», - dedi Ashat Aımaǵambetov.
Mınıstrdiń aıtýynsha, granttardy bólýde eshqandaı jemqorlyqqa jol berilmeıdi.
Eske sala ketsek, kópbalaly jáne az qamtylǵan otbasylardyń balalaryna bıyl 5 myń bilim granty bólinedi. Bul týraly keshe Aqordada BAQ ókilderine QR Prezıdentiniń syılyqtary men granttaryn tabystaý rásiminde Memleket basshysy Qasym-Jomart Toqaev aıtqan bolatyn.
