Kópbalaly otbasylardy baspanamen qamtýǵa Pavlodar oblysynda 235,5 mln teńge bólinedi
«Ekibastuz jáne Aqsý qalalarynda 14 turǵyn úıdiń qurylysy bastaldy. ostyq jáne Saryarqa shaǵyn aýdandarynda boı kóteretin turǵyn úılerdiń qurylysy úshin jobalyq qujattama ázirlendi. Sondaı-aq, Pavlodarda adam turmaıtyn ǵımarattar qalpyna keltiriledi. Aımaq turǵyndary arasynda salaýatty ómir saltyn saqtaý úshin sportty damytýǵa 1 mlrd teńge jumsalady. Onyń ishinde 780,6 mln teńge Pavlodar qalasynda soltústik óndiristik aýmaqta sporttyq qurylystarǵa ınjenerlik kommýnıkatsııalardy tartý úshin jáne fýtbol men hokkeıdi damytýǵa 191,2 mln teńge baǵyttalady», - dedi oblystyq máslıhattyń sessııasynda Óńirlik ekonomıka jáne bıýdjettik josparlaý basqarmasynyń basshysy Maqsat Turlybaev.
Budan basqa, az qamtylǵan jáne kópbalaly otbasylardyń balalaryn tegin tamaqpen qamtý úshin qosymsha 330 mln teńge qarastyrylǵan. Múmkindigi shekteýli balalarǵa qoljetimdi orta qurý jáne jarymjan jandar men egde jastaǵy adamdar úshin pallıatıvti kómekti keńeıtý týraly suraqtar qoldaý tapqan.
«Jyl basynda kópbalaly jáne az qamtylǵan otbasylardy qoldaý maqsatynda sharalar qabyldandy. Bul sanattaǵy oqýshylardyń bir bóligi tegin tamaqtanýmen qamtylǵan bolsa, endi taǵy 1500-den astam oqýshy qosylady. Bıyl Ekibastuz jáne Aqsý qalalarynda 10 turǵyn úıdiń qurylysy bastalady. Qazirgi tańda «Nurly Ertis» baǵdarlamasyn júzege asyrý qoldaý tapqany belgili. Jumys kúshi artyq jáne Nur-Sultan qalalarynan kópbalaly otbasylar qonys aýdarady. Oblys ortalyǵynda adam turmaıtyn ǵımarattar páter retinde qalypqa keltiriledi. Qalqaman, Solnechnyı kentindegi jáne aýdan ortalyqtaryndaǵy aıaqtalmaǵan qurylystar sońyna jetkiziledi», - dep atap ótti oblys ákimi Bolat Baqaýov.
