Kópbalaly otbasylar Almatynyń qaı aýdanynan úı ala alady
Qala ákiminiń bıylǵy esepti kezdesýinde «Baqytty otbasy» áleýmettik baǵdarlamasy júzege asatyny jaıly aıtylǵan bolatyn. Baǵdarlama aıasynda otbasylar 10% alǵashqy jarnamen 18 jylǵa 2%-ben páter alatyn bolady. Ol úshin jergilikti bıýdjetten 1 mln teńgeniń sertıfıkaty beriledi.
«Bul baǵdarlama jasalyp, aıaqtalyp qaldy. Jaqyn kúnderi tolyq jarııalanady. «Baqytty otbasy» baǵdarlamasy qala ákimdigi men Turǵyn úı qurylys jınaq bankiniń kómegimen kópbalaly otbasylardy qoldaýǵa arnalǵan», - dedi Ermek Ámirov.
Ol QR Zańnamasyna sáıkes kópbalaly otbasyna 4 baladan kóp bala tárbıelep otyrǵan otbasylar jatatynyn eskertti. Qazir úı alý kezeginde 1276 otbasy tur.
«Bul baǵdarlama boıynsha muqtaj otbasylar qalanyń kez kelgen núktesinen quny 15 mln teńge kólemindegi úıdi ala alady. Ákimdik ár otbasyǵa 1 mln teńge kóleminde sertıfıkat bóledi», - dedi Ermek Ámirov.
Onyń aıtýynsha, baspana alý protsedýrasy eGov elektrondy portalynda ashyq júrgiziledi.
