Kópbalaly otbasy tıimdi memlekettik áleýmettik saıasattyń kórsetkishi bolyp tabylady - A.Esimov
ALMATY. 6 qyrkúıek. QazAqparat - Búgin Almaty qalasynyń ákimi Ahmetjan Esimov Otbasy kúnine oraı qabyldaý ótkizdi. Sharaǵa kópbalaly otbasylar, kásiptik áýletter, qoǵamdyq uıymdardyń ókilderi qatysty.
Qala ákimi, Otbasy kúniniń otbasy ınstıtýtyn, adamgershilikti, rýhanı qundylyqtardy nyǵaıtýǵa, erli-zaıyptylyq jaýapkershiliginiń mańyzdylyǵyn kóterýge yqpal etýge baǵyttalǵandyǵyn atap ótti. Memleket basshysynyń Jarlyǵymen bul kún qyrkúıek aıynyń ekinshi jeksenbisinde atalyp ótilediú Bıyl tuńǵysh ret ótip otyr.
«Kópbalaly otbasy tıimdi memlekettik áleýmettik saıasattyń kórsetkishi bolyp tabylady. Almaty qalasynda 4 jáne odan da kóp bala ósirip otyrǵan 5 myńnan asa kópbalaly otbasy bar, «Altyn alqa» tós belgisimen - 1463 ana, «Kúmis alqa» belgisimen -1786 ana marapattalǵan. Qalada bala týý sany ósip, halyqtyń tabıǵı jolmen ósýi baıqalady. Balalardyń shetineý faktileri jyldan jylǵa qysqaryp keledi. Ústimizdegi jyldyń birinshi jarty jyldyǵynda 13 231 náreste dúnıege keldi», - dedi Ahmetjan Esimov.
Onyń sózi boıynsha, almatylyqtar «eń basty qundylyq retinde otbasyn qalaıdy (suralǵandardyń 41%), ekinshi orynda - densaýlyq (37%)» pen kásiptik bilim (24%)».
Ákim sondaı-aq, keıingi 5 jylda 37 bilim berý nysany salynyp, osy salaǵa 20,8 mlrd. teńge qarajat jumsalǵandyǵyn atap ótti.
Sóz sońynda shahar basshysy jınalǵandardy Otbasy kúnimen quttyqtap, zor tabys, beıbitshilik, baqyt pen myqty densaýlyq tiledi.
Qabyldaý merekelik kontsertke ulasyp, syılyqtar tabys etildi.
