Kópbalaly ana ataný úshin múmkindik kóp - Altyn alqa ıegeri
TALDYQORǴAN. QazAqparat - Kópbalaly ana ataný úshin múmkindik kóp. Batyr ana Janar Shuǵylova BAQ ókilderine bergen suhbatynda osyndaı pikir bildirdi, dep habarlaıdy QazAqparat tilshisi.
Búgin Janar Shuǵylovaǵa Halyqaralyq əıelder kúnine arnalǵan saltanatty jıynda qurmet kórsetildi. Taldyqorǵanda ótken merekelik shara barysynda Almaty oblysy ákiminiń mindetin atqarýshy Lázzat Turlashov altyn alqa tabys etti.
«Alty balam mektepte oqıdy. Barlyǵy úzdik oqýshylar. Allam qýat berse elimizdiń demografııalyq ahýalyn ósirýge úles qosýǵa daıynmyn. Bizdiń elde kópbalaly ana ataný úshin múmkindik kóp», - dedi Kerbulaq aýdanynyń turǵyny, Altyn alqa ıegeri Janar Shuǵylova. 
Janar Shuǵylovamen qatar, Panfılov aýdanynyń turǵyny Baqytgúl Ómirzaqqyzyna jáne Sarqan aýdanynyń turǵyny Raýshan Nurǵazıeva sahna tórinde altynnan alqa taqty. Al kúmis alqa Qarasaı aýdanynyń turǵyny Sáttigúl Musabekova jáne Raıymbek aýdanynyń turǵyny Ókil Meırashqa tabys etildi.
Aıta ketý kerek, búgin Almaty oblysynyń ákimdigi ər salada tabysty eńbek etip júrgen nəzik jandarǵa qurmet kórsetti.
Olardyń bir qatary oblys əkiminiń qurmet gramotasy jəne alǵys hattarmen marapattaldy. Qurmetke bólengender qatarynda Talǵar aýdany №7 mektep-lıtseıiniń dırektorynyń oqý isi jónindegi orynbasary Janar Baǵysova, «Nur Otan» partııasy Almaty oblystyq fılıalynyń uıymdastyrý-baqylaý jumys bóliminiń meńgerýshisi Samal Bákirova, «Jetisý» telearnasynyń úılestirýshisi Elmıra Sarymoldaeva bar.
