Kópbalaly otbasylarǵa tólenetin járdemaqy qaıta qaralady — mınıstr

ASTANA. KAZINFORM — Eńbek jáne halyqty áleýmettik qorǵaý mınıstri Svetlana Jaqypova Prezıdenttiń áleýmettik tólemderdi birizdilendirý jónindegi tapsyrmasyna qatysty pikir bildirdi.

Mınıstrdiń málimdeýinshe, atalǵan másele Úkimet otyrysynda qaralyp, maquldanady. 

—  Aıtalyq, Astanada alty balasy bar kópbalaly otbasy 2,7 mln teńge alady, al basqa óńirlerde 273 myń teńge. Bul toqsan saıyn tólenetin soma. Qazir osy shara áleýmettik ádilettilik qaǵıdatyn qamtamasyz etý úshin qaıta qaralady. Tapsyrmany endi ǵana aldyq.

Qazir mınıstrlik ekonomıkalyq bloksyz, jalǵyz ózi sheshim qabyldaı almaıdy. Ol Astana deńgeıine teńestirile me, álde eń tómengi kórsetkishpen tólep otyrǵan óńirge sáıkestendirile me, nemese ortasha kórsetkish alyna ma, bul jaǵy áli anyqtalǵan joq, — dedi Svetlana Jaqypova Prezıdenttiń Qazaqstan halqyna Joldaýynan keıin BAQ ókilderiniń saýalyna jaýap bere turyp.

Buǵan deıin Eńbek mınıstri keıbir kópbalaly otbasy qosymsha memlekettik qoldaýdan qaǵylatynyn málimdegen edi. 

Aıta keteıik, bıyl elimizde alty aıdyń ishinde kópbalaly otbasylar men nagradtalǵan analar 253 mlrd teńgeden astam járdemaqy aldy.