Kópbalaly otbasylar men marapattalǵan analarǵa qandaı járdemaqy tólenedi

ASTANA. KAZINFORM — Elimizde kópbalaly otbasylar men marapattalǵan analar memleketten qandaı kómek alady? Osy oraıda járdemaqy kimderge jáne qalaı taǵaıyndalatyny týraly Eńbek jáne halyqty áleýmettik qorǵaý mınıstrligi áleýmettik kómek departamentiniń bas sarapshysy Altynaı Seısembaeva aıtyp berdi.

— Kópbalaly otbasylarǵa áleýmettik qoldaý kórsetý maqsatynda olardyń tabysyna qaramastan respýblıkalyq bıýdjet esebinen memlekettik járdemaqy tólenedi. Oǵan 4 nemese odan da kóp kámeletke tolmaǵan balalary nemese 23 jasqa tolmaǵan kúndizgi bólimde oqıtyn stýdentteri bar otbasylar ótinish bere alady. Járdemaqy mólsheri balalardyń sanyna qaraı, ıaǵnı 4 balaǵa 16 AEK kóleminde, 7 balaǵa 28 AEK kóleminde saralanady. Otbasynda 8 jáne odan kóp bala bolsa, ár balaǵa 4 AEK kóleminde járdemaqy tólenedi, — dep túsindirdi Altynaı Sársembaeva.

Sondaı-aq «Kúmis alqa» ıelengen kópbalaly analar bıýdjet esebinen aı saıyn 6,4 AEK kóleminde járdemaqy alady.

Al «Altyn alqasy» bar jáne «Batyr ana» ataǵy bar, І jáne ІІ dárejeli «Ana dańqy» orderi bar analarǵa 7,4 AEK esebinde járdemaqy taǵaıyndalady. 

Eske salaıyq, bıyl kópbalaly otbasylar men nagradtalǵan analar 253 mlrd teńgeden astam járdemaqy aldy.