Kópbalaly otbasylar men marapattalǵan analarǵa áleýmettik qoldaý artty
ASTANA. KAZINFORM – Qazaqstanda kópbalaly otbasylar men marapattalǵan analarǵa tólenetin memlekettik áleýmettik járdemaqy mólsheri ósti. Bul týraly Halyqty áleýmettik qorǵaý salasyndaǵy retteý jáne baqylaý komıtetiniń Astana qalasy boıynsha departament basshysy Asqar Aımaǵanbetov habarlady.
– Járdemaqy mólsheri otbasydaǵy balalardyń sanyna jáne marapat mártebesine baılanysty belgilenedi. Máselen, tórt balaǵa – 69 330 teńge, bes balaǵa – 86 673 teńge, al jeti balaǵa – 121 360 teńge tólenedi, - dedi Asqar Aımaǵanbetov.
Sonymen qatar «Altyn alqa», «Kúmis alqa» jáne «Ana dańqy» ordenderimen marapattalǵan analarǵa arnaıy járdemaqy qarastyrylǵan. Onyń mólsheri 27 680-32 005 teńge aralyǵynda bolady.
– Bul sharalar otbasylardyń áleýmettik jaǵdaıyn jaqsartýǵa, kópbalaly analardyń eńbegin qoldaýǵa baǵyttalǵan, - dep tolyqtyrdy departament qyzmetkeri.
Aıta keteıik, buǵan deıin múmkindigi shekteýli balalarǵa tólenetin járdemaqy mólsheri de artqany habarlanǵan edi.
