Kópbalaly otbasylar ákimdiktiń ýaqytsha baspanasyna qalaı ótinim bere alady

ASTANA. KAZINFORM — Astana ákimdigi halyqtyń áleýmettik osal toptary men kópbalaly otbasylarǵa arnalǵan «Satyp alý quqyǵynsyz jalǵa beriletin turǵyn úı» baǵdarlamasy boıynsha ótinim berý nusqaýlyǵyn daıyndady. 

Portalda ótinim qabyldaý 23 qyrkúıekte saǵat 09:00–de bastalyp, 7 qazan saǵat 18:00–de aıaqtalady.

QANDAI QUJATTAR QAJET?

• ETsQ kilti;
• Ótinish berýshige jáne otbasy múshelerine jyljymaıtyn múliktiń bolmaýy / bolýy týraly anyqtama (ótinish berilgen kúni EGOV.KZ arqyly alynǵan);
• Balalardyń týý týraly kýálikteriniń jáne otbasy músheleriniń jeke kýálikteriniń skaner-kóshirmeleri (bar bolsa);
• Neke/ajyrasý/áke bolý/qaıtys bolý týraly kýálikterdiń skan-kóshirmeleri (bar bolsa);
• Tirkelmegen neke týraly notarıýstyń anyqtamasy (turmys qurmaǵandar/úılenbegender úshin);
• Úleske nemese jyljymaıtyn múlikke menshik quqyǵyn rastaıtyn qujattar (Sharttyń, kýáliktiń jáne t. b. kóshirmesi);
• Ótinish berýshiniń jáne otbasy músheleriniń múgedektigi týraly anyqtamanyń skaner-kóshirmesi (bar bolsa).

PORTAL ARQYLY QALAI ÓTІNІSh BERÝGE BOLADY?

1. Aldymen kompıýterde NCAlayer ornatylǵanyna kóz jetkizińiz (baǵdarlamany myna jerden júkteýge bolady pki.gov.kz).
2. birge.astana.kz portalyna ótińiz, «Jeke tulǵa» retinde kirińiz nemese tirkelińiz, JSN, telefon nómirin jáne ETsQ kiltin toltyryńyz (RSA/GOST sertıfıkattary).
3. «Turǵyn úı baǵdarlamalary» nemese «Tanymal qyzmetter» bólimine ótińiz.
4. «Halyqtyń áleýmettik osal toptary men kóp balaly otbasylar sanattary úshin satyp alý quqyǵynsyz jalǵa beriletin turǵyn úı» qyzmetin tańdańyz.
5. Ótinish formasyn ashý úshin «Qosý+» túımesin basyńyz.
6. Nysandy toltyryńyz, qujattardy tirkeńiz, ETsQ (RSA / GOST sertıfıkattary) kómegimen ótinishke qol qoıyńyz jáne jiberińiz.
7. Nátıjesi bar KiT_Notify nemese SmartAstana-dan SMS-habarlama kútińiz.

Baǵdarlama týraly qosymsha aqparatty myna saıttan nemese [phone] nomeri arqyly alasyz.