Qopadaǵy oqýshy ólimi: Aqtóbede tergeý jumysy aıaqtaldy

AQTÓBE. KAZINFORM – Aqtóbe oblysy Temir aýdany Qopa aýylyndaǵy oqýshy ólimine qatysty qylmystyq is boıynsha tergeý jumysy aıaqtaldy. Qazir taraptar is materıaldarymen tanysyp jatyr. 

Oqýshy óliminen keıin Qylmystyq kodekstiń «Buzaqylyq», «Densaýlyqqa qasaqana aýyr zııan keltirý» baptary boıynsha tergeý júrdi. Keıin bul bap Qylmystyq kodekstiń «Adam óltirý» babyna ózgertildi.

Aqtóbe oblystyq PD baspasóz qyzmetiniń habarlaýynsha, qylmystyq isti 99-baptyń 2-bóliginen («Adam óltirý») 106-baptyń 3-bólimine («Adamnyń ólimine ákep soqtyrǵan densaýlyqqa aýyr zııan keltirý») qaıta saralaý týraly sheshimi qabyldandy. 

- Qazirgi ýaqytta qylmystyq is aıaqtaldy jáne protseske qatysýshylar tanysyp jatyr. Tanysqannan keıin qylmystyq is zańdy sheshim qabyldaý úshin sotqa  jiberiledi, - dep habarlady Atóbe oblystyq PD baspasóz qyzmeti. 

Barlyǵy 6 kúdiktige aıyp taǵylyp otyr. 

Eske salsaq, byltyr Qopa aýylynda joǵary synyp oqýshylary 9 synyp balalaryn urdy. Sol kezde 9 synyp oqýshysy Nurjan Sydyq kóz jumdy.  

QR Bala quqyqtary jónindegi ýákil Dınara Zakıeva Aqtóbe oblysy Qopa aýylyna baryp, mektepte saýalnama júrgizdi. Bıllıng, balalar arasyndaǵy tóbelestiń aldyn alý úshin atqarylýy tıis birneshe jumys jaıyn bólisti.