Kóp jolaýshy kirgizbeýi kerek: Elordada avtobýstarǵa qandaı talaptar qoıylady
«Qoǵamdyq kólikter 12 mamyrda jumysyn bastady. Olarǵa kóp talap qoıylady. Tańǵy 07.00-den keshki 19.00-ge deıin júredi. Avtobýstarda sanıtarlyq talaptardyń saqtalýyn qadaǵalap otyratyn jaýapty qyzmetker taǵaıyndalady. Ol qyzmetker jeke bas gıgıenasyn, qoǵamdyq gıgıena quraldarynyń bolýyn, dezınfektsııa quraldarynyń jetkilikti bolýyn, júrgizýshiler men basqa da mamandardyń tıisti talaptardy saqtaýyn qadaǵalaıdy. Barlyq qyzmetkerge kúndelikti nusqaýlyq berilip, ol nusqaýlyq jazbasha túrde jýrnalǵa belgilenip otyrýy kerek. Sonymen qatar jolaýshy tasymaldaıtyn júrgizýshilerde jumysqa kelgen kezde koronavırýsqa baılanysty PTR-testen ótkeni týraly anyqtama bolýy tıis. Olar ary qaraı eki aptada bir ret sol testiden ótip otyrýy kerek», - dedi qalalyq taýarlar men kórsetiletin qyzmetterdiń sapasy men qaýipsizdigin baqylaý departamentiniń tehnıkalyq reglamentterdi baqylaý bólimniń basshysy Qarlyǵash Ábdisheva qala ákimdiginiń Facebook paraqshasynda ótken onlaın rejımdegi baspasóz máslıhatynda.
Onyń aıtýynsha, avtobýs júrgizýshileri mindetti túrde maska men rezeńke qolǵap kııýi kerek. Qolǵapty kúnine eki ret, maskany eki saǵat saıyn aýystyryp otyrýy tıis.
«Olardyń sonymen birge antıseptıgi bolýy tıis. Jolaýshylardy tek otyratyn oryndarmen tasymaldaý kerek. Túregep turǵan jolaýshy bolmaýy tıis. Kóp jolaýshy kirgizbeýi kerek. Sondaı-aq, toqtaǵan kezde avtobýstyń barlyq esigi ashylyp turýy tıis. Jumystyń basynda jáne sońynda avtobýs salondary jýylyp, dezınfektsııa jasalady. Kúndelikti reısterde sońǵy aıaldamaǵa kelgen kezde avtobýstardyń búkil esik-terezesi ashylyp, jeldetilip, adam qoly janasatyn oryndarǵa dezınfektsııa júrgiziledi», - dedi ol.
Eske sala ketsek keshe Nur-Sultan qalasy ákiminiń orynbasary Baqtııar Máken 12 mamyrdan bastap qoǵamdyq kólik qashan jumysyn bastaıtynyn habarlaǵan edi.
