Kóp jaǵdaıda adamdar jańa nesıeni eski qaryzyn jabý úshin alady
ASTANA. QazAqparat - Jeke tulǵalardy nesıelendirýdiń qarqyny shekten tys joǵary bolyp otyr. Bundaı pikirdi Májilis depýtaty Aıqyn Qońyrov aıtty, dep habarlaıdy QazAqparat.
«Halyqtyń májbúrli túrde nesıe alý jaǵdaıyna Úkimet nazaryn aýdarǵymyz keledi. Búgingi tańda bankter, shaǵyn nesıelik uıymdar jáne onlaın-nesıelik kompanııalar halyqty nesıelendirý úrdisin qarqyndy júrgizip jatyr», - dedi depýtat Úkimet basshysy Baqytjan Saǵyntaevtyń atyna joldaǵan saýalynda.
Sonymen qatar ol onlaın-nesıelendirý de qarqyndy júrip jatqanyn atap ótti. Ony eshkim rettemeıdi. Bul zaımdar boıynsha syıaqy óte joǵary, jyldyq ústemaqy da tym joǵary bolyp otyr.
«Bul rette paıyzdyq talaptary tym joǵary, biraq adamdar ony alýǵa májbúr. Kóp jaǵdaıda jańa nesıe eski nesıeni jabý úshin alynady. Biz halyqty qaıtara almaıtyn qaryzǵa batyrýǵa qarsymyz. Osyǵan oraı, ýaqyt ozdyrmaı nesıelendirý naryǵynda azamattarymyzdyń quqyǵyn qorǵaý boıynsha keshendi shara qabyldaý qajet dep sanaımyz», - dep túıdi Aıqyn Qońyrov.
