Kóp uzamaı úıdi jaryp jiberemiz: Pavlodarda jelide taraǵan habarlama ótirik bolyp shyqty

PAVLODAR. QazAqparat - Pavlodar oblysy polıtseıleri jarylǵysh qurylǵy salynǵany týraly daýystyq habarlamany anyqtady, dep habarlaıdy QazAqparat.

«Allo, allo, meni estısiz be? Kóp uzamaı Kataev kóshesindegi 21-úıdi úıdi jaryp jiberemiz» delingen dybys habarlamasynda.

Osyǵan baılanysty Pavlodar oblysy polıtsııa departamenti bastyǵynyń birinshi orynbasary Jasqaırat Qaıyrov túsinik berdi.

Onyń aıtýynsha, atalǵan mekenjaıdaǵy turǵyndar shuǵyl evakýatsııalanyp, polıtseıler ǵımaratty túgel tekserip shyqqan. Eshteńe tabylmady.

Qylmystyq kodekstiń 203-baby boıynsha is qozǵalyp, tergeý júrip jatyr.

Polıtsııa terrorızm aktisi týraly kórineý jalǵan habarlaý qylmystyq quqyq buzýshylyq bolyp tabylatynyn jáne qylmystyq jaýapkershilikke ákep soǵatynyn, oǵan qosa 5 jylǵa deıingi merzimge bas bostandyǵynan aıyrý túrinde jazalanatynyn eske salady.