Kóp páterli úılerdegi jańǵyrtý jumystarynan keıin jylýǵa únemdeý 40 paıyzǵa deıin jetedi - Tóleýtaı Rahymbekov

ASTANA. 6 qarasha. QazAqparat - Kóp páterli úılerdegi jańǵyrtý jumystarynan keıin jylý úshin tóleýden únemdelgen qarjy 40 paıyzǵa deıin jetip jyǵylady. Bul jaıynda búgin Astanada turǵyn úı kommýnaldyq sharýshalyǵyn jańǵyrtý baǵytyndaǵy energııa únemdeý máseleleri boıynsha respýblıkalyq konferentsııada «Turǵyn úı-kommýnaldyq sharýashylyqty jańǵyrtý men damytýdyń Qazaqstandyq ortalyǵy» AQ basqarma tóraǵasy Tóleýtaı Rahymbekov aıtty.

«Úılerdi jańǵyrtý men jóndeý jumystary barsha turǵyndardyń múddesine baılanysty. Sondyqtan da TKSh-ny jańǵyrtý baǵdarlamasyn júzege asyrýdaǵy negizgi býyny retinde páter ıeleriniń pikiri bolýy tıis. Al jóndeý jumystarynyń qajettiligi jóninde olardy kóndirý úshin, aldymen aýqymdy nasıhattaý ári túsindirý sharalary atqarylýy qajet», - dedi ol.

Onyń aıtýynsha, jóndeý jumystary júrgizilgen kóp páterli úılerdiń turǵyndary jylý úshin tólem kezindegi únemdeýdi baıqap otyr. Qazaqstanda bul únemdeý 40 paıyzǵa jetip otyrǵan kórinedi.