Kóp kitap oqý úshin ne isteý kerek - zertteý
ASTANA. QazAqparat - Barak Obamadan bastap Ilon Maskqa deıin kóptegen tanymal adamdar kitap oqyǵandy jaqsy kóretinin jıi aıtady. VVSbasylymy kúnine bir saǵat kitap oqýdyń adamǵa qalaı áser etetini týraly maqala jarııalady.
«Kitap oqý adamnyń mansabyna oń áser ete alady. Jańa aqparat alyp, bilim ıgerýdi aıtpaǵanda, kitap oqý kúızelisti azaıtyp, mı jumysyn jaqsartady. Sonymen, kitap oqýdy ádetke aınaldyrý úshin ne isteý kerek?», dep jazady basylym.
«Zertteýshilerdiń aıtýynsha, ortasha eseppen ár brıtan azamaty kún saıyn eki saǵat 49 mınýt ýaqytyn telefonǵa jumsaıdy eken. ıAǵnı, kitap oqýdy kóbeıtý úshin telefon qoldaný ýaqytyn azaıtý kerek», - deıdi avtor.
Onyń aıtýynsha, kitapty kóp oqýǵa nıeti bar adam aldymen ózine unaıtyn kitaptan nemese janrdan bastaǵany jón.
«Ózińizge yńǵaıly formatty tabyńyz. Bireýlerge qaǵaz kitap unasa, keıbiri elektrondy kitaptardy jyldam oqıtyndaryn aıtady. Sonymen qatar aýdıokitap formaty týraly da umytpaǵan jón», dep jazady avtor.
Maqala avtorynyń aıtýynsha, kitap oqý týraly boıyna qorqynysh uıalatatyn maqsat qoımaǵan jón. Mysaly, jylyna júz kitap oqımyn nemese tańǵy tórtte turyp úsh saǵat boıy kitap oqımyn degen maqsat ózińiz qansha qalasańyz da, túpsanańyzda qorqynysh sezimin týǵyzady.
Sonymen qatar avtor «Elý bet» ádisin usynypty.
«Kez kelgen kitapty oqyp jatyp, ary qaraı jalǵastyrǵyńyz kelmeı qalsa, tórtinshi betin oqyp jatsańyz da, elý betke jetkizýge tyrysyńyz», deıdi avtor.
