Kóp kásiporyndardyń basshylary halyqaralyq standarttarǵa mán bermeıdi - professor Azat Ábdirahmanov

ASTANA. QazAqparat - Kóp kásiporyndardyń basshylary halyqaralyq standarttar maǵynasyn túsine bermeıdi. Bul týraly búgin Astanada ónim sapasy máselelerine arnalǵan halyqaralyq forým barysynda Qazaqstandyq sapa jáne ınnovatsııalyq menedjment uıymynyń prezıdenti, professor Azat Ábdirahmanov málim etti.

«Sońǵy 15 jyldan beri elimizde halyqaralyq standarttardy engizýge úlken kóńil bólinip jatyr. Bul turǵyda 6 myńnan astam kásiporyn halyqaralyq standarttardy engizdi. Onyń ishinde tek qana óndiris emes, bilim men ǵylym salasy, qarjy sektory, densaýlyq saqtaý sekildi baǵyttardaǵy kóptegen kásiporyndar tarapynan qyzyǵýshylyq bar. Olardyń maqsaty - osy básekelestikke túsý men qamtamasyz etý, turaqty damýǵa kóshý», - dedi A. Ábdirahmanov.

Ǵalymnyń sózine qaraǵanda, forým aıasynda halyqaralyq tájirıbeni kópshilikke jetkizýge máselesine ekpin qoıylady. Sonymen elimizdegi aldyńǵy qatarly kásiporyndardyń tájirıbesi tanystyrylady.

«Sebebi, kóp jerde basshylar halyqaralyq standarttar men jańa tásilderdiń maǵynasyn túsine bermeıdi. Sol sebepten bul máselelerdi is júzinde sheshýge mán berýimiz kerek. Osy baǵytta túrli elderden bul salanyń mamandarymen telekópirler ótkizýdemiz», - dedi A. Ábdirahmanov.