Kóp qabatty úıdiń shatyrynda mal asyrap otyr
ASTANA. QazAqparat - Bangladesh - álemdegi halqy eń tyǵyz ornalasqan elderdiń biri jáne onyń turǵyndary úshin turǵyn úıdiń árbir sharshy metri men aýyl sharýashylyǵyna jaramdy jerdiń ár súıemi óte qymbat. Jerdiń tarlyǵy osynaý musylman elin túrli aılaǵa barýyna ıtermelep otyr.
Azadúr-Rahman esimdi musylman baýyrymen birge Bangladesh astanasy - Dakka qalasyndaǵy kóp qabatty úıdiń shatyrynda sıyr asyrap otyr. Bul jaıynda IslamNews aqparat kózi habar taratty. Kóp qabatty turǵyn úıdiń shatyrynda qora turǵyzǵan. Rahmannyń aıtýynsha, jazdyń aptap ystyǵynan sıyrdy qorǵaý úshin jeldetkishti qosady eken. Zeńgi baba tuqymyna sý men jemdi baýyry ekeýi kezektesip jetkizedi. Baspaldaqpen. Onyń sútin jergilikti turǵyndarǵa satady, dep jazady ıslam.kz.
