Kóp balaly otbasylardyń Ekibastuz jáne Aqsýdan baspana satyp alýy úshin 1,2 mlrd teńge bólindi
PAVLODAR. QazAqparat - Bul qarajat respýblıkalyq bıýdjetten «Nurly jer» baǵdarlamasy boıynsha kóp balaly otbasylardy baspanamen qamtamasyz etý aıasynda bólindi, dep habarlaıdy pavlodarnews.kz.
«Respýblıkalyq bıýdjetten Ekibastuz jáne Aqsý qalalarynan páter satyp alý úshin 1,2 mıllıard teńge bólindi», - dedi oblystyq qurylys basqarmasynyń basshysy Rústem Raısov.
Aqsýda 143 páterdi satyp alý kózdelgen. Onyń 57-si Astana kóshesi, 58 úı mekenjaıyndaǵy qaıta jańartylǵan ǵımarattan kóp balaly otbasylarǵa berildi. Sondaı-aq metallýrgter qalasynda qurylys jumystary júrip jatqan úılerden taǵy 56 páter satyp alý josparlanyp otyr.
Rústem Raısovtyń aıtýynsha, satyp alynatyn turǵyn úı kem degende 60 sharshy metrdi quraýy tıis jáne bir páterdiń quny 8,4 mln teńgeden aspaýy qajet.
