Kóp balaly ana balalaryn asyraý úshin qoltyraýyndy óltirdi
ASTANA. QazAqparat - 37 jastaǵy kóp balaly ana balalaryna tamaq tabýdyń tásilin tapqanǵa uqsaıdy.
Amerıkalyq Ońtústik Karolına shtatynda turatyn 37 jastaǵy Laýra Robınson Grıffın uzyndyǵy 4 metrlik qoltyraýyndy atyp aldy.
The Sacramento Bee basylymynyń jazýynsha, ol shalshyq basqan sý qoımasynda jyrtqyshty eki saǵat boıy ańdyǵan. Sátin salǵan bir sátte qoltyraýynda ilgekke ilip alyp joǵary kótergen.
«Bizdiń qaıyǵymyzdyń uzyndyǵy bes metr. Jyrtqysh kóringen kezde onyń da uzyndyǵy osyǵan shamalas eknin baıqadym. Ony úsh ret atýymaa týra keldi»,- deıdi ol.
Áıeldiń aıtýynsha, bul et bir jylǵa azyq etýge jetedi. «Men qyzyq úshin emes, balalarymdy asyraý úshin óltirdim»,-deıdi ol.
