Kóp adamdar áli kúnge deıin óte kedeı turady - Eýroparlament prezıdenti

BRıÝSSELЬ. QazAqparat – Eýropa parlamentiniń kezekti kóshpeli sessııasynyń ashylýynda sóz sóılegen EO zań shyǵarýshy organynyń basshysy Robert Metsola 17 qazan - Halyqaralyq kedeılikke qarsy kúres kúni ekenin atap ótti, dep habarlaıdy QazAqparat tilshisi.

BUU málimetinshe, Halyqaralyq kedeılikti joıý kúniniń tarıhy 1987 jyldyń 17 qazanymen baılanysty.

1948 jyly Adam quqyqtarynyń jalpyǵa birdeı deklaratsııasyna qol qoıylǵan Parıj qalasyndaǵy Trokadero alańyna sol kúni 100 myńnan astam adam jınaldy.

Qujat kedeılik, zorlyq-zombylyq jáne asharshylyq qurbandaryna qurmet kórsetýge arnalǵan.

Sol kúni jınalǵandar kedeıliktiń adam quqyǵyn buzatynyn málimdedi jáne birlesken kúsh-jigermen osy quqyqtardy saqtaý qajettigin rastady.

Tıisti málimdeme sol kúni ashylǵan eskertkish tasqa jazylǵan.

Sodan beri ártúrli taptaǵy, senimdegi jáne áleýmettik ortadaǵy adamdar jyl saıyn 17 qazanda óz ustanymdarynyń ózgermeıtindigin rastaý jáne kedeılermen nıettestikti kórsetý úshin jınalady.

Bıyl Dúnıejúzilik kedeılikke qarsy kúres kúnine 35 jyl jáne Halyqaralyq kedeılikti joıý úshin kúres kúnine 30 jyl tolady.

Eýroparlament prezıdenti R. Metsola áli de tym kóp adam azyq-túlikke, sýǵa, kıimge, turǵyn úıge, bilimge nemese medıtsınaǵa muqtaj ekenin aıtty.

«COVID-19 pandemııasy men Ýkraınadaǵy jaǵdaı mıllıondaǵan adamdy kedeılikke ıtermeleıdi jáne EO Parlamenti buǵan qarsy turý úshin jumys isteýi kerek» dedi ol.

Foto: OON/Martın Perre