Qonjyq kóliktiń ishine kirip shyǵa almaı qaldy (VIDEO)

ASTANA. QazAqparat - AQSh-tyń Golden qalasynda (Kolorado shtaty) polıtsııa qyzmetkerleri turǵyndardyń biriniń kóligine kirip syrtqa shyǵa almaı qalǵan qonjyqty bosatyp jiberdi, dep habarlaıdy Mashable.

Jyrtqyshtyń balasynyń mashınaǵa qalaı kirip ketkeni belgisiz. Kóliktiń ishiniń qıraǵanyna qarap qonjyqtyń shyǵa almaı jatqanyna birshama ýaqyt ótkenin ańǵarýǵa bolady.

Polıtsııa kómekshisi júk salǵyshtyń esigin ashyp jibergen, sol kezde onyń janyndaǵy serigi myltyq ustap saqtandyryp turdy. Taza aýaǵa shyqqan qonjyq aldy artyna qaramaı ormanǵa zytty.