Qonys-kolonııasynan qashqan eki adam eki táýliktiń ishinde ustaldy
ASTANA. 9 naýryz. QazAqparat /Ǵalymjan Hasenov/- Mereke kúnderi Qyzylorda oblysynyń Tartoǵaı aýylynda ornalasqan qonys kolonııasynan eki sottalýshy qashyp ketti, dep habarlady Ádilet mınıstrliginiń Qylmystyq-atqarý júıesi komıtetinen.
Jazalaryn óteýden jaltarǵan sottalýshylardy izdestirý sharalary dereý uıymdastyrylyp, komıtet qyzmetkerleriniń saýatty is-sharalarynyń nátıjesinde álgi ekeýi Almaty oblysy Qarasaı aýdanyndaǵy Alǵabas aýylynda ustaldy. Tártip saqshylary olardy eki táýlikke jetkizbeı qolǵa túsirdi.
Álgilerdiń biriniń jazasy bir jyldan keıin, ekinshisiniń merzimi - eki jyldan keıin aıaqtalýy kerek-tin. Biraq bul áreketterinen keıin olar jazalaryn jabyq kolonııada óteıtin bolady.
"Bul - jyldyń basynan beri qonys-kolonııasynan qashýdyń tórtinshi oqıǵasy. Qashqyndardyń biri izderi sýymaı alǵashqy táýlikterdiń ishinde ustaldy", - dep habarlady penıtentsıarlyq júıeniń baspasóz qyzmetinen.
