Kontslager tutqynynda bolǵan atyraýlyq keıýanaǵa merekelik medal berildi

ATYRAÝ. KAZINFORM – Atyraýda soǵys jyldarynda kontslager tutqynynda bolǵan Ekaterına Absatyrova turady. Bıyl 94 jasqa tolǵan.

Búgin Atyraý oblysynyń ákimi Serik Shápkenov kontslager eseıtken keıýanany Jeńis kúnimen quttyqtady. Oǵan «Uly Otan soǵysyndaǵy Jeńistiń 80 jyldyǵy» merekelik medalin tabys etti.

Ekaterına Absatyrova 1931 jyly Mordova ASSR-niń Pervomaı derevnıasynda ómirge kelgen. Otbasynda 9 bala bolǵan.

– Ákem Serafım otbasymen 30-jyldardyń sońyna taman Karelııaǵa kóship barǵan. Bizdiń otbasymyzda ájem, əke-sheshem, 9 bala – barlyǵy 12 adam bar edi. Otbasymyzben kúndelikti kúıbeń tirlikpen jan baǵýdyń qamyna kiristik. Sóıtip júrgende 1941 jyly soǵys bastaldy. Basqynshylar bizdi tutqynǵa aldy, -deıdi Ekaterına Absatyrova.

Ol tutqynǵa túskende 10-jasta bolǵan. Tutqynnan 1944 jyly bosaǵan. Soǵys aıaqtalǵan deıin aspahanada aspaz, gospıtalde sanıtarka bolyp jumys istegen.

– Sondaı kúnderdiń birinde ashanaǵa tamaqtanýǵa kelgen soldattyń biri Vagaf Absatyrovpen tanystym. Dos boldyq, keıin úılenýge usynys bildirdi. 1950 jyly shańyraq kóterip, Sibirde 13 jyl jumys istedik. Atyraýǵa 1968 jyly kóship keldik, -deıdi Ekaterına Absatyrova.

Munaıly shaharda kelgen soń lokomotıv deposynda jumys istegen. Kontslagerdiń kámeletke tolmaǵan tutqyny retinde soǵys ardagerine teńestirilgenderdiń sanatyna alynǵan. Qazir túrli jeńildikti paıdalanady.

Atyraý oblys ákiminiń baspasóz qyzmetinen málim etkendeı, 754 tyl ardageri merekelik medalmen marapattalǵan.

Eske sala ketelik, budan buryn Keńes Odaǵynyń Batyry ataǵyna 2 ret usynylǵandar arasynda 6 qazaq bolǵanyn jazǵan edik.