Kontsertterde meni Ózbekstan men Qazaqstannyń Halyq ártisi dep habarlaýyn suraımyn — Farrýh Zakırov
TAShKENT. KAZINFORM — «Dostyq» ordenimen nagrattalǵan «ıAlla» ansambliniń kórkemdik jetekshisi Farrýh Zakırov kórsetilgen qurmet úshin barsha qazaq halqyna jáne Memleket basshysy Qasym-Jomart Toqaevqa alǵys bildirdi, dep habarlaıdy Kazinform agenttiginiń Tashkenttegi menshikti tilshisi.
— Bizdi kóp dúnıe baılanystyrady: rýhanı qundylyqtar, dástúrler, mádenıet. Men bul syılyqqa laıyqty dep tanylǵanymdy maqtan tutamyn. Meniń oıymsha, bul meniń halqyma kórsetilgen qurmet pen alǵys. Álem elderin aralap, kontsertterge qatysqanda meni árdaıym Ózbekstanmen birge, Qazaqstannyń Halyq ártisi, dep habarlaýyn suraımyn. Osy oraıda, keńpeıil qazaq halqyna jáne Prezıdent Qasym-Jomart Toqaevqa alǵysymdy bildiremin, — dedi Farrýh Zakırov.
Sonymen qatar ánshi bıyl «ıAlla» ansambliniń 55 jyldyǵyna oraı álemdik týrne uıymdastyrylatynyn jetkizdi. Bul rette alǵashqy kontsert Qazaqstanda ótedi.
— Men Qazaqstannyń Halyq ártisi ataǵyn Almatyda alǵanmyn. Sondyqtan týrneni osy qaladan bastaımyz, — dep málimdedi Farrýh Zakırov.
Eske salaıyq, búgin Tashkentte ánshi Farrýh Zakırovke Qazaqstan Prezıdenti atynan «Dostyq» ordenin tabystaý saltanaty ótti.
