Kontsertter men qoıylymdar: Astanada demalys kúnderi qaıda barýǵa bolady
ASTANA. KAZINFORM — Respýblıka kúnine oraı Astanada aýqymdy merekelik baǵdarlama uıymdastyrylady. 24 qazanda elordanyń barlyq alty aýdanyndaǵy 12 alańda ashyq aspan astynda kontsertter ótedi. Sonymen qatar 25-26 qazanda da qalada mańyzdy mádenı is-sharalar josparlanǵan.
24 qazan, senbi
Qala ákimdiginiń málimetine qaraǵanda, merekelik is-sharalardyń maqsaty — ulttyq qundylyqtardy dáripteý, el birligin nyǵaıtý jáne elorda turǵyndary men qonaqtaryna merekelik kóńil kúı syılaý.
Almaty aýdanynda kontsertter eki alańda ótedi. Saǵat 12:00–de «Jeleznodorojnyı» turǵyn alabynda Luqpan Joldasov, Merýert Baqyt, Eraly Qanjyǵaly, «Altyn» trıosy, «Aısha bıbi» dýeti jáne «DiEra» trıosy óner kórsetedi.
Saǵat 15:00–de «Jastar» saıabaǵynda Dıdar Mansur, «Aılın» trıosy, Medet Shaıkelov, «Astana» toby, Parasat Otan jáne «Altyn» trıosynyń qatysýymen kontsert bastalady.
Baıqońyr aýdanynda saǵat 12:00–de «Óndiris» turǵyn alabynda merekelik kontsert ótedi. Kórermender aldynda Farıda Joldasova, Baýyrjan Isaev, Madına Islamova, Ákimhan men Aqbota, Danııal Ahmetov jáne «Aılın» trıosy óner kórsetedi.
Saǵat 15:00–de «Atatúrik» saıabaǵynda kontsert bastalady. Onda Madına Islamova, Aıan Jaımaǵambetov, «Aısha bıbi» dýeti, DOS, «Altyn» trıosy jáne Mádı Qadyrov óner kórsetedi.
Esil aýdanynda merekelik is-shara saǵat 15:00–de «Baǵystan» turǵyn alabynda ótedi. Munda Altynshash Muqataeva, Farıda Joldasova, Baýyrjan Isaev, «DiEra» trıosy, «Beles» dýeti jáne «Aılın» trıosy óner kórsetedi.
Nura aýdanynda kontsertter eki alańda uıymdastyrylady. Saǵat 12:00–de «Úrker» turǵyn alabyndaǵy «Aıǵyrjal» skverinde merekelik baǵdarlama bastalady. Kórermender aldynda Turar Tóleýtaı, Aıgúl Imanbaeva, Dıdar Ábdihalyq, «Jaryq» dýeti, Aıan Jaımaǵambetov jáne «Qazaq Voice» trıosy óner kórsetedi.
Saǵat 15:00–de «Jaǵalaý» turǵyn alabynda kontsert ótedi. Óner kórsetetinder qatarynda Nurbol Balapanov, Medet Salyqov pen Klara Tólenbaeva dýeti, «Erkem» trıosy, Turar Tóleýtaı, Merýert Baqyt jáne Aıan Jaımaǵambetov bar.
Saraıshyq aýdanynda da eki kontserttik alań belgilengen. Saǵat 12:00–de «Promyshlennyı» turǵyn alabynda Medet Salyqov pen Klara Tólenbaeva dýeti, Altynshash Muqataeva, Nurbol Balapanov, «DiEra» trıosy, Eraly Qanjyǵaly jáne «Altyn» trıosy óner kórsetedi.
Saǵat 15:00–de «Otaý» shaǵynaýdanynda Danııal Ahmetov, Aıgúl Imanbaeva, Ákimhan men Aqbota, «Qazaq Voice» trıosy, Dıdar Ábdihalyq jáne «Jaryq» dýetiniń qatysýymen kontsert ótedi.
Saryarqa aýdanynda merekelik kontsertter birneshe alańda ótedi. Saǵat 12:00–de «Kóktal-1» turǵyn alabyndaǵy «Naz» memlekettik bı teatrynyń alańynda kontsert bastalady. Munda Aıan Jaımaǵambetov, Zarına Omarova, Parasat Otan, «Erkem» trıosy, Turar Tóleýtaı jáne «Astana» toby óner kórsetedi.
Osy ýaqytta «Kóktal-2» turǵyn alabyndaǵy «Qorǵaljyn» skverinde de merekelik is-shara ótedi. Óner kórsetetin ártister qatarynda Mádı Qadyrov, Medet Shaıkelov, Dıdar Mansur, Baýyrjan Isaev, «Aılın» trıosy jáne «Beles» dýeti bar.
Saǵat 15:00–de Qalalyq alańda DOS, Luqpan Joldasov, Zarına Omarova, Eraly Qanjyǵaly, «DiEra» trıosy jáne Turar Tóleýtaı kórermenderge merekelik kóńil kúı syılaıdy.
Astanaǵa Outlandish keldi
«Aicha», «Guantanamo» jáne «Callin’ U» ánderimen tanymal danııalyq Outlandish toby ózderiniń eń tanymal hıtterin oryndaıdy. Osy oraıda búgin elordada kórermender úshin jandy daýysta ózderiniń súıikti ánderin tyńdaý múmkindigi bolady.
World Designers Fashion Week Astana 2026
Osy demalys kúnderi elorda túrli elderden kelgen dızaınerler, sán ındýstrııasynyń jáne shyǵarmashylyq qaýymdastyq ókilderi bas qosatyn orynǵa aınalady. 40-tan astam memleketten kelgen meımandar qazaqstandyq brendtermen qatar óz toptamalaryn kópshilik nazaryna usynady. Baǵdarlama aıasynda sán kórsetilimderi, tusaýkeserler jáne arnaıy jobalar ótedi. Іs-shara 26 qazanǵa deıin jalǵasady.
«Master men Margarıta». Premera
Búgin keshke Astana qalasynyń M.Gorkıı atyndaǵy memlekettik akademııalyq orys drama teatrynda «Master men Margarıta» qoıylymyn tamashalaý múmkindigi bar. Qoıylym saǵat 18:00–de bastalady.
«Uly Dala murasy»
«Uly Dala murasy» kontserttik baǵdarlamasy elimizde jáne shet elderde jıi kórsetilip keledi. Qazaqstannyń eńbek sińirgen qaıratkeri Aıgúl Tátıdiń qoıylymdarynda dástúrli saryn horeografııalyq beıneler arqyly ashylady. «Astana Ballet» teatrynda ótetin búl kontserttik baǵdarlama búgin keshki saǵat 18:00–de bastalady.
«Áıel qupııasy»
Q.Qýanyshbaev atyndaǵy Qazaq ulttyq mýzykalyq drama teatrynda «Áıel qupııasy» qoıylymyn tamashalaýǵa bolady. E.Fılıpponyń bul týyndysy áıel taǵdyryn qozǵaıdy. Bul spektakl ár adamnyń urpaq aldyndaǵy jaýapkershililikti sezinýge shaqyrady.
STARLIGHT GRAND CUP
Sporttyq bal bıine arnalǵan STARLIGHT GRAND CUP halyqaralyq týrnıri Qazaqstannan jáne basqa da elderden qatysýshylardyń basyn qosady. Baǵdarlamanyń eń mańyzdy bóligi — jastar arasyndaǵy «Solo Latin» sanatyndaǵy WDSF álem chempıonaty. Jarys eki kúnge sozylady.
Buǵan deıin Respýblıka kúni qarsańynda marketpleıster 50%-ǵa deıin jeńildikti usynatynyn jazdyq.
